Iscurtende a Letta presentende su programa suo ananti de sa Càmara, totus sunt abarIscurtende a Letta presentende su programa suo ananti de sa Càmara, totus sunt abarrados ispantados pro s’elegàntzia de su discursu. Unu chistionu antigu poniat is cosas indun’òrdine suo, casi naturale.
Acanta, bi fiat Emma Bonino ma ddoe fiat Angelino Alfano puru. Totu a postu duncas, e totus in pare.
Finidu, su discursu at lassadu s’iscurtadore chi fia deo allillonadu. Totu pariat torrare. Certu, sètziu in sa poltrona cumentzaia a pensare a àteru, a su chi depia fàere, a is fainas de su sero, o de su mangianu a pustis, no est chi fessat cosa de abarrare atentos meda.
Cundun’isfortzu, minche torraia a Letta, chi sighiat, in sa televisione de domo, anninnende a sa parte sua.
Tando, seo torradu a su discursu, apo detzìdiu no tanti de ddu torrare a iscurtare, ma de ddu ligire. Duncas, sa corrutzione, amigas e
amigos, no est prus unu problema in custu logu. Sa lei eletorale, eja, però tocat a bìere e de dònnia manera su Presidente nou “donat
cunsìgios” de abolire su Porcellum pro nde torrare a su Matarellum. S’iscàndalu de is privilègios de sa casta, no est chi siat una cosa
chi a sa gente dda grisat. No, bastat a amenguare is finàntziamentos pùbricos a is partidos (liberalizende ìs privados) e andat bene gasi.
In is tassas, su problema est s’Imu. No, pro nàrrere, s’Irap o is àteras tassas a pitzus de su traballu. Pròpiu sa tassa a pitzus de sa
renta, s’ùnica chi teneus!
Sa poberesa e su disisperu de ìs chena de traballu, sa birgùngia de s’inferioridade de is fèminas, tituleddos a efetu, poemeddos bonos pro sèmpere.
De is deretos de ugualidade de is pessones cunfroma a sessu e orientamentu sessuale, si nd’est chistionadu nudda, o prus pagu. De
deretos de paridade linguìstica, mai si nd’est faeddadu in Itàlia, e imoe puru, nudda de nudda.
Pro su restu, sa lìnnia est istada sceberada. Letta at a èssere su Retore preighende in crèsia ananti de su Mere de sa bidda, chi
iscurtat in is bancos, inghiriadu de is theracos suos, pro torrare a fàere is sòlitas malefatas suas, cando cando sa missa si nd’acabat. Su
retoreddu Letta dd’at a assòlvere de is pecados suos, e at a sighire a preigare de èssere bonos, e a sistemare is suos.rados ispantados pro s’elegàntzia de su discursu. Unu chistionu antigu poniat is cosas indun’òrdine suo, casi naturale.
Acanta, bi fiat Emma Bonino ma ddoe fiat Angelino Alfano puru. Totu a postu duncas, e totus in pare.
Finidu, su discursu at lassadu s’iscurtadore chi fia deo allillonadu. Totu pariat torrare. Certu, sètziu in sa poltrona cumentzaia a pensare a àteru, a su chi depia fàere, a is fainas de su sero, o de su mangianu a pustis, no est chi fessat cosa de abarrare atentos meda.
Cundun’isfortzu, minche torraia a Letta, chi sighiat, in sa televisione de domo, anninnende a sa parte sua.
Tando, seo torradu a su discursu, apo detzìdiu no tanti de ddu torrare a iscurtare, ma de ddu ligire. Duncas, sa corrutzione, amigas e
amigos, no est prus unu problema in custu logu. Sa lei eletorale, eja, però tocat a bìere e de dònnia manera su Presidente nou “donat
cunsìgios” de abolire su Porcellum pro nde torrare a su Matarellum.
S’iscàndalu de is privilègios de sa casta, no est chi siat una cosa chi a sa gente dda grisat. No, bastat a amenguare is finàntziamentos
pùbricos a is partidos (liberalizende ìs privados) e andat bene gasi. In is tassas, su problema est s’Imu. No, pro nàrrere, s’Irap o is
àteras tassas a pitzus de su traballu. Pròpiu sa tassa a pitzus de sa renta, s’ùnica chi teneus!
Sa poberesa e su disisperu de ìs chena de traballu, sa birgùngia de s’inferioridade de is fèminas, tituleddos a efetu, poemeddos bonos pro sèmpere.
De is deretos de ugualidade de is pessones cunfroma a sessu e orientamentu sessuale, si nd’est chistionadu nudda, o prus pagu. De
deretos de paridade linguìstica, mai si nd’est faeddadu in Itàlia, e imoe puru, nudda de nudda.
Pro su restu, sa lìnnia est istada sceberada. Letta at a èssere su Retore preighende in crèsia ananti de su Mere de sa bidda, chi
iscurtat in is bancos, inghiriadu de is theracos suos, pro torrare a fàere is sòlitas malefatas suas, cando cando sa missa si nd’acabat. Su
retoreddu Letta dd’at a assòlvere de is pecados suos, e at a sighire a preigare de èssere bonos, e a sistemare is suos.
Alessandro Mongili
