Alessandro Mongili: “E aici seu candidau pro sa lista Gentes…”

Il nostro collaboratore Alessandro Mongili si è candidato alle elezioni Regionali. Ci ha inviato questo intervento per spiegarne le ragioni. La collaborazione resterà sospesa almeno fino al 16 febbraio.

E aici seo candidadu pro sa lista “Gentes” in sa coalitzione “Sardegna Possibile” ghiada dae Michela Mùrgia, s’iscriitora, in sa circoscritzione eletorale de Casteddu e provìncia. Unu mangianu seo artziadu a su segundu pranu de su Comunu de Casteddu in Via Sonnino e totu una sèrie de timbros, firmas e paperàgia m’ant cunfirmadu ca custu seo imoe: unu candidadu.

Tando, pro respetu de is letores, de ìs ki votant su ki creent, e giustamente, no apo prus a iscrìere in custa Rubrica inue Sardinia Post mi pirmitet de iscrìere liberamente. Creo ca totus ant a cumprèndere.

Comente candidadu, apo a partitzipare a is eletziones pro persighire tres obietivos.

Pro afortiare sa polìtica de s’innovatzione e dda fàere mègius. In particulare, aplicare a manera prus pagu discutìbile sa Lei regionale de 7 a pitzus de sa chirca iscientìfica e de sa polìtica universitària, averguare is resultados suos e torrare a rexonare de is bandos, de sa lei etotu e de su sistema de su Master&Back ; Integrare e moralizare su sistema de sa chirca iscientìfica dipendende diretamente de sa Regione, favorèssere localizatziones prus “urbanas” e megiorare su livellu e s’integratzione internatzionale de is chirkeris.

Pro una polìtica de paridade de su sardu cun s’italianu, pro sighire in su protzessu de istandardizatzione de su sardu afrontende totus is problemas ki ddoe sunt cun ispìridu de partecipatzione e de paxe, ponende mente sèmpere ca su costu sotziale de custa ingiustìtzia ki est sa minorizatzione de su sardu no dda pagant is linguistas o is operadores, ma is pipios in s’iscola e sa gente normale in sa vida issoro.

Pro una polìtica de paridade pro is persones LGBT (lèsbicas, gay, transgender e bisessuales) e pro ki, sighende su poderiu de sa Regione autònoma e mancari alladiende-ddu, acabet su prus a prestu possìbile sa discriminatzione odiosa contras de issas e issos, ca totus depimus èssere “lìberos, rispetados e uguales” comente iscriiat prus de unu sèculu faet Pepinu Mereu.

Deo creo ca “Sardegna possibile” siat su logu giustu pro gherrare pro custas cosas, e ki Michela Murgia siat una fèmina de gabale ki nosi podet agiudare a cambiare s’istòria sarda.

A nosi torrare a intèndere a pustis de su 16 de freàrgiu!

Alessandro Mongili

 

 


Alessandro Mongili

Diventa anche tu sostenitore di SardiniaPost.it

Care lettrici e cari lettori,
Sardinia Post è sempre stato un giornale gratuito. E lo sarà anche in futuro. Non smetteremo di raccontare quello che gli altri non dicono e non scrivono. E lo faremo sempre sette giorni su sette, nella maniera più accurata possibile. Oggi più che mai il vostro supporto è prezioso per garantire un giornalismo di qualità, di inchiesta e di denuncia. Un giornalismo libero da censure.

Per ricevere gli aggiornamenti di Sardiniapost nella tua casella di posta inserisci la tua e-mail nel box qui sotto:

Related Posts
Leggi

Fortza e debilesa de Renzi

Matteo Renzi est su secretàriu nou de su Pd, e no at tentu nisciuna opositzione sèria a ddu…
Total
0
Share