Abbandonu scolàsticu. Is arrexonis de custa crèscida

In sa fotografia de s’abbandonu scolàsticu chi apu tirau ariseru mancu su Tzentru e su Nord Itàlia si dda scampat. Po nai, a pustis de ses mesis de su cumintzu de s’annu scolàsticu a s’apellu in classi, segundu is datus de sa Prefetura de Prato, ammancant 866 alunnus; 360 a sa scola de sa pipiesa, 224 a sa primària, 143 a is scolas mèdias e 139 a is segundàrias de segundu gradu.
Segundu su parri de is piciocheddus intèndius in is averiguamentus, intra de is arrexonis printzipalis de is ausèntzias in tempus de Didàtica a distàntzia, ddoi at sa dificurtadi de connessioni a sa retza internet e s’afatigamentu a abarrai atentus sighendi is letzionis ananti de unu chermu.

Dificurtadis chi, a cantu parit, iant a tenni un’efetu in sa preparatzioni scolàstica insoru: prus de unu studianti asuba de tres (35%) s’intendit prus pagu preparau de candu andàt a scola in presèntzia e su 35% ocannu depit arrecuperai prus matèrias de s’annu passau. Cuàturu studiantis asuba de dexi ant amìtiu de ai tentu contracolpus asuba sa capatzidadi de studiai (37%). Is piciocus narant de s’intendi stracus (31%), dudosus (17%), impensamentaus(17%), inchietosus (16%), in anneu (15%), stronaus(14%), nervosus (14%), chena de gana (13%), scoraus(13%), in una mudàntzia de sentidus lègius chi cumpartzint mescamenti cun cun sa famìlia (59%) e is amigus (38%), ma chi po prus de unu asuba de 5 abarrant unu càrrigu grai de s’apoderai aìnturu, chena de ddu cumpartziri cun nemus (22%). Unu datu chi lassat spantaus est chi su su 65% de is studiantis est cumbintu de essi paghendi in primu persona po s’incapatzidadi de is mannus de gestiri s’apedèmia.

Nc’at de nai chi s’abbandonu scolàsticu est unu fenòmenu giai presenti a dolu mannu innantis de su Covid, mescamenti in su Sud e in àreas sotzialis pretzisas, in is periferias urbanas ma no sceti. Intra de is efetus sotzialis de su Covid ddoi at de seguru un’ammaniamentu de custus fenòmenus e prus in generali sa crèscida de is diversidadis educativas. Spereus chi custa siat s’ocasioni po fai su chi andàt fatu giai de prima: fraigai alleàntzias educativas intra de scola, famìlias e istitutzionis localis. Si nd’essit sceti impari, ativendi e afortiendi is comunidadis educantis, chi punnant a s’annèstriu e traballant po ndi pesai unu sistema de profetu de podi sighiri in dònnia logu, a livellu natzionali e territoriali.

Manuela Ennas

Atividade realizada cun su contributu de sa Regione Sardigna – IMPRENTAS 2020-2021.
LR 22/2018, art. 22
Attività realizzata col contributo della Regione Sardegna – IMPRENTAS 2020-2021.
LR 22/2018, art. 22

Diventa anche tu sostenitore di SardiniaPost.it

Care lettrici e cari lettori,
Sardinia Post è sempre stato un giornale gratuito. E lo sarà anche in futuro. Non smetteremo di raccontare quello che gli altri non dicono e non scrivono. E lo faremo sempre sette giorni su sette, nella maniera più accurata possibile. Oggi più che mai il vostro supporto è prezioso per garantire un giornalismo di qualità, di inchiesta e di denuncia. Un giornalismo libero da censure.

Per ricevere gli aggiornamenti di Sardiniapost nella tua casella di posta inserisci la tua e-mail nel box qui sotto:

Related Posts
Total
0
Share