Su ‘Manifestu de sa comunicatzione chi no est contra’ in Sardigna puru

Su “Manifestu de sa comunicatzione chi no est contra” est una lista de deghe fundamentos pro megiorare s’istile e sa manera de si cumportare cando nos movimus in sa retza internet e favorèssere su rispetu pro totus in una cultura de cunfrontu e cunvivèntzia tzivile. Su progetu est nàschidu pròpiu in sa retza in su mese de ledàmine de su 2016 dae una pensada de Rosy Russo e in pagu tempus, cun s’agiudu e su traballu de espertos de comunicatzione, est bènnidu a èssere un’assòtziu, chi ddi narant Parole_Ostili (www.paroleostili.it) e una faina sotziale. Difatis in su mese de freàrgiu de su 2017 Parole_Ostili aparitzat in sa tzitade de Trieste un’adòbiu natzionale pro fàghere connòschere su Manifestu, otenende luego adesiones trasversales in dònnia setore.

Sa tarea de su decàlogu punnat a un’impreu prus cuscientziosu de is mèdios de comunicatzione, chi permitat de pònnere una làcana a s’òdiu in lìnia e de cuntrastare ogni forma de informatzione faulàrgia. Parole O_stili s’est ammanniada in su tempus e at tentu s’abilesa de incarrerare unu tretu de meledu pro sa promotzione de una cultura de sa retza “non contra”e de partetzipatzione intre is protagonistas de sa comunicatzione, su mundu polìticu, is iscolas, is universidades, is aziendas e is tzitadinos.

Su Manifestu bortadu in trintaduas lìnguas inclùdidu su sardu, s’est isparghinadu a lestru in sa sotziedade nostra ca faghet a dd’aplicare in totue e a dd’adatare sighende is bisòngios de ogni setore. Pro su chi pertocat s’amministratzione pùblica Parole_Ostili cumbidat totu is entes a leare parte a su progetu, firmare a adotare su Manifestu pro agiudare sa relata cun is tzitadinos e amparare unu chistionu “non contra”. In Sardigna, gràtzias a su traballu profetosu de su referente Gianluigi Tiddia, connotu cun su nùmene de Insopportabile in su mundu digitale, sunt giai ùndighi is amministratziones comunales chi ant seberadu su Manifestu comente istile de comunicatzione e sunt is biddas Bànari, Òsile, Biddeputzi, Fonne, Isporlatu, Santeru, Santu Lussurzu, S’Alighera, Uda, Bidda Matzràxia, e in custas ùrtimas dies Silanos.

Manuela Ennas

Diventa anche tu sostenitore di SardiniaPost.it

Care lettrici e cari lettori,
Sardinia Post è sempre stato un giornale gratuito. E lo sarà anche in futuro. Non smetteremo di raccontare quello che gli altri non dicono e non scrivono. E lo faremo sempre sette giorni su sette, nella maniera più accurata possibile. Oggi più che mai il vostro supporto è prezioso per garantire un giornalismo di qualità, di inchiesta e di denuncia. Un giornalismo libero da censure.

Per ricevere gli aggiornamenti di Sardiniapost nella tua casella di posta inserisci la tua e-mail nel box qui sotto:

Related Posts
Total
0
Share