Nuracque. Nurachi aberit is jennas.


Arrennesci a contai Nurachi po mori de is domus suas de làdiri, de is barracas de falasco, una genia de giuncu chi in sardu ddi naraus sinniga , de is fassonis de fenu, de is traditzionis e de su mandiari ùnicus. Est custa sa tarea de Nuracque, manifestatzioni in progra,ma in sa bidda prus antiga de su Sinis su 15, 16 e 17 de ladàmini cun tres diis de atòbius, fainas e laboratòrius intra de terra e àcua po donai un’idei de sa cultura millenària chi fait a intendi dònnia dì.passendi in Nurachi.

Nuracque dd’ant promòvia su Comunu de Nurachi, cun is assòtzius Città della Terra Cruda e Terraccogliente e Maristanis, in collaboratzioni cun sa Regioni Sardìnni.“Su progetu”, ant nau is organizadoris, “ movit de una filosofia de vida, chi circat de ponni impari is òminis, sa laurera, s’ ambienti, sa cultura, s’arrispetu po custas cosas. Nuracque bolit agatai is caraterìsticas primàrgias de su logu e ddas torrai a manixai a tempus de oi, bolit fai a manera chi su logu siat biatzu e fueddit de su chi seus ”.

Is logus de bisitai e innui liai parti a is laboratòrius s in is tres diis de atòbius e esperièntzias fsunt medas. In mesu a is àterus, su Museu Peppetto Pau, iuna domu stòrica fraigada cun is matonis de làdiri , innui at a fai a atobiai òminis e fèminas de sa bidda, bardianus de sa memòria e de is traditzionis prus sintzillas.

Is bisitadoris, in prus, ant a podi brintai in is cantinas antigas Sardu e Caddeo, in su tzentru stòricu de sa bidda. S’incingiadura de Nuracque est po cenàbura, su 15 de ladàmini, cun sa proposta “A sa scoberta de is terras de àcua de Nurachi”, unu biaxi sensoriali intra de is coloris e is caraterìsticas botànicas e de sa fàuna de is zonas ùmbidas.
A s’incingiadura ant a intervenni su sìndigu de Nurachi Renzo Ponti, su presidente de s’assòtziu Città della Terra Cruda Enrico Pusceddu, sa vicepresidenti de Medsea Vania Statzu e su segretàriu de s’assòtziu Ciità della Terra Cruda Walter Secci.

“In custas tres diis eus a camminai in mesu a terras de àcua, firmas in su tempus e arricas de contus, comenti a Mare ‘e pauli; eus a scoberri is erbas e is fundus de is paulis chi in Nurachi funt medas, e chi benint impreaus ancora oi in is fainas localis; eus a apretziai sa naturalesa de “Pischeredda” – narant is organizadoris . “ e eus a ascurtai is boxis de duas trumas de òminis chi ant batallau in custas àcuas in is annus ’60: “Su Spadoeri”, unu piscadori chi teniat licèntzia, e sa guàrdia giurada a servìtziu de is meris de su pauli. Cun is luxis de s’intrinada s’at a tenni unu laboratòriu dedicau a sa butàriga cun su coghineri Pierluigi Fais”.

Su programma de su sàbudu invècias dd’ant dedicau a is ritus de custu territòriu antigu, chi est ancora una genia de ingruxadura de s’identidadi cun su tempus passau, cun is ammentus e fintzas cun is speras po su benidori. At a fai a biri sa traballadura de su làdiri, de is giuncus de su pauli, at a fai a tastai is binus,su pani e su mandiari tìpicu, a biri comenti si coxinat su mugheddu e si cuncordat sa merca.

Sa domìniga, s’ùrtima de is tres diis, is organizadoris dd’ant bòfia dedicai a su mundu de is majas e a sa bellesa de mundu naturali a ingìriu de su Riu Mare Foghe po mori de tres fainas diferentis: in Sup, in kayak; e cun su nordic walking, una genia de camminada sportiva cumpleta capassa de fai torrai mali, afortiai is mùsculus, binci sa strachesa e melliorai is articulatzionis. A s’acabbu de donniuna de custas escursionis s’ant a podi agatai is arrichesas de custu territòriu intra de is saboris de is prodotus tìpicus n su mentris de nu cumbidu me is aposentus de sa Casa Museu de Nurachi.

Manuela Ennas

Atividade realizada cun su contributu de sa Regione Sardigna – IMPRENTAS 2020-2021.
LR 22/2018, art. 22
Attività realizzata col contributo della Regione Sardegna – IMPRENTAS 2020-2021.
LR 22/2018, art. 22

Diventa anche tu sostenitore di SardiniaPost.it

Care lettrici e cari lettori,
Sardinia Post è sempre stato un giornale gratuito. E lo sarà anche in futuro. Non smetteremo di raccontare quello che gli altri non dicono e non scrivono. E lo faremo sempre sette giorni su sette, nella maniera più accurata possibile. Oggi più che mai il vostro supporto è prezioso per garantire un giornalismo di qualità, di inchiesta e di denuncia. Un giornalismo libero da censure.

Per ricevere gli aggiornamenti di Sardiniapost nella tua casella di posta inserisci la tua e-mail nel box qui sotto:

Related Posts
Total
0
Share