Is datus de s’ùrtimu arrelatu de sa Fundatzioni Migrantes in contu de disterru

Is Italianus disterraus in su mundu funt de prus de is disterraus chi bivint in Itàlia. Est su chi bessit a pillu de s’ùrtimu arrelatu de sa Fundatzioni Migrantes, s’assòtziu de sa CEI chi amparat is disterraus in totu su mundu. Custu datu andat contra a s’idea chi s’Itàlia siat passada a essi, me is ùrtimus annus, de logu de partènzia a logu de arribbu. Su stùdiu pertocat su nùmeru de is scritus in s’AIRE, s’anàgrafi de is italianus chi bivint foras de s’Itàlia. Custus italianus funt 5.806.068, est a nai su 9,8% cunfronta a is 58,9 millionis de is residentis in Itàlia (datus de su primu de gennàrgiu 2022). Is disterraus chi bivint in Itàlia funt invecis prus pagus: casi 5,2 millionis, est a nai s’8,8% cunfronta a is citadinus italianus.

Chi pigaus in consìderu s’edadi de is disterraus stràngius in Itàlia e cussa de is disterraus italianus bieus chi sa percentuali de is giòvunus est arta meda po totu e duus. Su stùdiu ammostat difatis chi in Itàlia su totali de is minoris chi benint de una famìllia disterrada funt 1,3 millionis, est a nai su 13% de totu is minoris de 18 annus chi bivint innoi.

Spriculitendi invecis is datus de is italianus chi bivint me is Stadus stràngius bieus chi su 14,5% funt minoris de edadi, su 21,8% tenint un’edadi intra de 18 e 34 annus, su 23,2% tenint un’edadi intra de 35 e 49 annus. Chi aciungeus a custus disterraus is chi no funt scritus in s’AIRE puru, pruschetotu studentis e duncas giòvunus, is percentualis de is giòvunus chi lassant s’Itàlia funt ancora prus artas.
In contu de disterraus italianus seus chistionendi duncas de una populatzioni giòvuna chi partit e no torrat. Is arrexonis de custu disterru funt de circai pruschetotu me in sa farta de traballupo is giòvunus in Itàlia cunfronta a is àterus Stadus de s’UE.

In su 2020 in Itàlia is giòvunus intra de 15 e 29 annus chi traballànt fiant su 29,8% de su totali, contra una mèdia europea de su 46,1%. De custu 29,8%, su 37,8% biviat me is regionis de su Nord, su 30,6% in cussas de su Centru e sceti su 20,1% in cussas de su Sud. De su 2006 a su 2022 su disterru de is italianus est crèsciu de s’87%: indiritura de su 94% cussu de is fèminas e de su 75,4% cussu de is minoris de edadi.

Massimiliano Meloni

Atividade realizada cun su contributu de sa Regione Sardigna – IMPRENTAS 2021-2022.
LR 22/2018, art. 22
Attività realizzata col contributo della Regione Sardegna – IMPRENTAS 2021-2022.
LR 22/2018, art. 22

Diventa anche tu sostenitore di SardiniaPost.it

Care lettrici e cari lettori,
Sardinia Post è sempre stato un giornale gratuito. E lo sarà anche in futuro. Non smetteremo di raccontare quello che gli altri non dicono e non scrivono. E lo faremo sempre sette giorni su sette, nella maniera più accurata possibile. Oggi più che mai il vostro supporto è prezioso per garantire un giornalismo di qualità, di inchiesta e di denuncia. Un giornalismo libero da censure.

Total
1
Shares

Per ricevere gli aggiornamenti di Sardiniapost nella tua casella di posta inserisci la tua e-mail nel box qui sotto:

Related Posts
Total
1
Share