Fumetu, dae sa Sardigna a is Istados Unidos

Dae sa Sardigna in deretura a is Istados Unidos. “Dracula in the west”, su giornaleddu a fumetos western-horror nàschidu dae s’imbentu de s’iscritore e iscenegiadore tataresu Gianluca Piredda e imprentadu de Lanciostory, at a lòmpere luego in totu is butegas de fumetos americanas.

Difatis sa domo imprentadora “L’Editoriale Aurea”, at firmadu un’acòrdiu cun sa domo imprentadora americana “Antarctic Press”, connota meda intra de is amantiosos de su fumetu pro àere imprentadu su giornaleddu a fumetos Warrior Nun de Ben Dunn, devènnidu in pagu tempus una de is sèries televisivas de Netflix prus sighidas.
Dracula in the west, publicadu sa primu borta in su mese de Idas de su 2019, donat una bisura noa a su mitu de su surbile de Stoker chi, iscampadu a sa cumbata cun chie ddu cheriat ochire, si nche fuit e arribbat in Amèrica. Gianluca Piredda pintat e contat in su giornaleddu unu surbile istracu de sa vida sua de fuidore e arrùscidu de s’iscurigore in ue acostumat a si mòvere, ma in su matessi tempus obrigadu a dèpere pònnere mente a su naturale suo de furone. “In custas abenturas – at maradu s’imbentore de sa sèrie – su prìntzipe de sa note at a adobiare e at a afrontare is figuras mitològicas de sa traditzione nativu-americana”. Sa prima istòria dd’at disegnada Luca Lamberti, invècias sa segunda Emiliano Albano, connotu fintzas pro àere realizadu sa trilogia “A casa prima del buio” publicada de Lanciostory e unos cantos volùmenes imprentados de L’Editoriale Aurea.

Su fumetu de Gianluca Piredda at a fàghere parte de sa lìnia noa horror chi s’Antarctic Press at incarreradu de pagu cun sa rivista Horror Comics. S’iscritore e iscenegiadore tataresu traballat de una bella pariga de annos pro L’Editoriale Aurea, firmende fintzas sa sèrie Freeman (publicada cun is disinnos de Vincenzo Arces in sa rivista Skorpio) e su fumetu Dago, cun su personàgiu de Giannizzero Nieddu imbentadu de Robin Wood,. ambientadu fintzas in Sardigna in s’ espisòdiu “Lungo le strade della morte” essidu in su 2019.

Manuela Ennas

Atividade realizada cun su contributu de sa Regione Sardigna – IMPRENTAS 2020-2021.
LR 22/2018, art. 22
Attività realizzata col contributo della Regione Sardegna – IMPRENTAS 2020-2021.
LR 22/2018, art. 22

Diventa anche tu sostenitore di SardiniaPost.it

Care lettrici e cari lettori,
Sardinia Post è sempre stato un giornale gratuito. E lo sarà anche in futuro. Non smetteremo di raccontare quello che gli altri non dicono e non scrivono. E lo faremo sempre sette giorni su sette, nella maniera più accurata possibile. Oggi più che mai il vostro supporto è prezioso per garantire un giornalismo di qualità, di inchiesta e di denuncia. Un giornalismo libero da censure.

Per ricevere gli aggiornamenti di Sardiniapost nella tua casella di posta inserisci la tua e-mail nel box qui sotto:

Related Posts
Total
0
Share