Chi est acostumadu a sighire custa rubrica at a àere bidu chi pro sas intervistas apo semper fatu biàgios bastante longos in su passadu. Custa borta, imbetzes, non so torrada meda agoa pro intervistare una cantadora chi tenet una boghe intre de sa prus bellas chi apa mai intesu, non b’at paràulas dèchidas pro la descrìere. Non m’apo a istentare meda pro bos presentare a custa artista chi a dolu mannu nos at lassados cando fiat ancora giòvana meda. Su mundu de sa mùsica at patidu sa dispidida sua ma dda sighit a tènnere in consideru pro totu is fainas e is traballos de primorechi at lòmpidu. So andende a adobbiare a Dolores O’Riordan.
Salude Dolores, pro mene est un’onore de a veras a ti connòschere.
Gràtzias, a mie puru mi fàghet praghere ca mi mancat meda su mundu chi apo lassadu.
Tando ite nde naras de cumentzare? Chie est Dolores?
Duncas so fìgia de unu fatore,chi ddi naraiant Terence, e de Eileen, chi traballaiat in is refetòrios de is iscolas. So nàschida in sa contea de Limerick e crèschida in sa bidda de Ballybricken, in s’ala sud-otzidentale de s’Irlanda. Tèngio sete frades, chimbe mascros, e deo so sa prus pìtica. Sa famìlia mea est religosa meda e m’ant pesadu cun un’annestru catòlicu.
Berus est chi as coladu annos difìtziles cando fias pitzochedda?
In is cantzones meas e fintzas in is intervistas non dd’apo mai cuadu. Nd’apo patidu de ogni colore, naramus chi non mi so fata mancare nudda. In sa pitzinnia apo connotu angarias, no andaia de acordu cun mamma mea, fìamus semper batallende, bortas meda apo fintzas pensadu de mi nde bogare sa vida, non cheria mandigare e tenia unu refudu de su màndigu, pro annos apo sufridu de iscoramentu e dd’apo acabbada fintzas alcolizada. Petzi a manna, annos a pustis, cando ormai fiat famada pro is fainas meas, , mi nde acatada però chi su dolore no est unu cumpàngiu de vida gasi feu, antzis m’at agiudadu a agatare s’ispiratzione, m’at inditadu sa bia.
Duncas sa mùsica in calchi manera t’at sarvadu?
Naramus su mundu de s’arte, est istadu de profetu eja. Sarvadu non dd’isco. Deo apo cumentzadu in su litzeu ballende flamenco e posca a bellu a bellu mi so acostada a sa mùsica e a s’istùdiu de sa chiterra. Prima de lompere a custa renèssida apo fatu de totu, apo cantadu in is carreras, in tzilleris piticos finas a cando non m’ant iscobertu is de s’Island Records. Aici amus imprentandu sa primu cantzone, Uncertain, ma fiat istadu unu fallimentu de cussos mannos.
Amus chie? Pro chi ddu ses narende?
Perdona, mi pariat de dd’àere naradu. So chistionende de is Cranberries
Comente bos seis connotos?
Is frades Mike e Noel Hogan aiant pesadu una truma e dd’aiant mutida “The Cranberry Saw Us”. Però teniant bisòngiu de una boghe solista e dda fiant chirchende a perda furriada, ca nche cheriant bogare su cantante de insaras Niall Quinn. Fiat istadu pròpiu issu, ca deo fiat amiga de sa picioca sua, a mi cussigiare de ddos provare a intèndere. E issos, intèndida sa boghe mea, m’aiant bòfiu luego etotu.
E gasi sa boghe est essida su sìmbulu de is annos Noranta e sighit a èssere intre de is prus istimadas. Cuntenta nde ses?
Càstia deo so istada semper pagu segura de mene. Cussu sentidu de seguresa dd’apo agatadu a intro de sa famìlia mea. Mi so cojuada cun Don Burton, naramus sa ghia de is Duran Duran e amus tentu tres fìgios: Taylor Baxter, Molly Leigh e Dakota Rain. Semus andados a istare in una domu manna a Riversfield Stud in sa Contea de Limerick, in ue fia crèschida e in pare nos semus dedicados a un’allevamentu de caddos, unu de is animales chi prifèrgio.
Però ses essidos foras de pare?
A dolu mannu eja. Aia passadu sa vida a gherrare is ammntos lègios de sa vida, cussos chi abarrant marcados in su coro e in mente. Cun issu pensaia de èssere andada ultres custas làcanas e imbetzes cando nos semus lassados so torrada cussa fèmina pagu segura e dudosa. E nche so torrada a rùere in cussas fàddinas meas chi totus in pare m’ant leadu sa vida. Fia andada a torrare a registrare Zombie, su chi pro medas est su traballu meu prus nodidu, imbetzes so passada a custu mundu.
In medas chircant de istòrchere sa boghe tua ma nemos bi renesset. E medas chircant de cumprèndere is resones de sa dispidida tua ma chena de agatare ìndicos.
Mi faghet praghere chi sigant a istimare sa boghe meda, est unu donu mannu su chi apo tentu. Sa dispidida est unu mistèriu fintzas pro mene, ma creo siat ancora unu mistèriu pro totus.
Mi dda cantas calchi cosa?
Emmo…
Manuela Ennas
Fillu de chini ses? Dolores O’Riordan
Chi est acostumadu a sighire custa rubrica at a àere bidu chi pro sas intervistas apo semper fatu biàgios bastante longos in su passadu. Custa borta, imbetzes, non so torrada meda agoa pro intervistare una cantadora chi tenet una boghe intre de sa prus bellas chi apa mai intesu, non b’at paràulas dèchidas pro la descrìere. Non m’apo a istentare meda pro bos presentare a custa artista chi a dolu mannu nos at lassados cando fiat ancora giòvana meda. Su mundu de sa mùsica at patidu sa dispidida sua ma dda sighit a tènnere in consideru pro totu is fainas e is traballos de primorechi at lòmpidu. So andende a adobbiare a Dolores O’Riordan.
Salude Dolores, pro mene est un’onore de a veras a ti connòschere.
Gràtzias, a mie puru mi fàghet praghere ca mi mancat meda su mundu chi apo lassadu.
Tando ite nde naras de cumentzare? Chie est Dolores?
Duncas so fìgia de unu fatore,chi ddi naraiant Terence, e de Eileen, chi traballaiat in is refetòrios de is iscolas. So nàschida in sa contea de Limerick e crèschida in sa bidda de Ballybricken, in s’ala sud-otzidentale de s’Irlanda. Tèngio sete frades, chimbe mascros, e deo so sa prus pìtica. Sa famìlia mea est religosa meda e m’ant pesadu cun un’annestru catòlicu.
Berus est chi as coladu annos difìtziles cando fias pitzochedda?
In is cantzones meas e fintzas in is intervistas non dd’apo mai cuadu. Nd’apo patidu de ogni colore, naramus chi non mi so fata mancare nudda. In sa pitzinnia apo connotu angarias, no andaia de acordu cun mamma mea, fìamus semper batallende, bortas meda apo fintzas pensadu de mi nde bogare sa vida, non cheria mandigare e tenia unu refudu de su màndigu, pro annos apo sufridu de iscoramentu e dd’apo acabbada fintzas alcolizada. Petzi a manna, annos a pustis, cando ormai fiat famada pro is fainas meas, , mi nde acatada però chi su dolore no est unu cumpàngiu de vida gasi feu, antzis m’at agiudadu a agatare s’ispiratzione, m’at inditadu sa bia.
Duncas sa mùsica in calchi manera t’at sarvadu?
Naramus su mundu de s’arte, est istadu de profetu eja. Sarvadu non dd’isco. Deo apo cumentzadu in su litzeu ballende flamenco e posca a bellu a bellu mi so acostada a sa mùsica e a s’istùdiu de sa chiterra. Prima de lompere a custa renèssida apo fatu de totu, apo cantadu in is carreras, in tzilleris piticos finas a cando non m’ant iscobertu is de s’Island Records. Aici amus imprentandu sa primu cantzone, Uncertain, ma fiat istadu unu fallimentu de cussos mannos.
Amus chie? Pro chi ddu ses narende?
Perdona, mi pariat de dd’àere naradu. So chistionende de is Cranberries
Comente bos seis connotos?
Is frades Mike e Noel Hogan aiant pesadu una truma e dd’aiant mutida “The Cranberry Saw Us”. Però teniant bisòngiu de una boghe solista e dda fiant chirchende a perda furriada, ca nche cheriant bogare su cantante de insaras Niall Quinn. Fiat istadu pròpiu issu, ca deo fiat amiga de sa picioca sua, a mi cussigiare de ddos provare a intèndere. E issos, intèndida sa boghe mea, m’aiant bòfiu luego etotu.
E gasi sa boghe est essida su sìmbulu de is annos Noranta e sighit a èssere intre de is prus istimadas. Cuntenta nde ses?
Càstia deo so istada semper pagu segura de mene. Cussu sentidu de seguresa dd’apo agatadu a intro de sa famìlia mea. Mi so cojuada cun Don Burton, naramus sa ghia de is Duran Duran e amus tentu tres fìgios: Taylor Baxter, Molly Leigh e Dakota Rain. Semus andados a istare in una domu manna a Riversfield Stud in sa Contea de Limerick, in ue fia crèschida e in pare nos semus dedicados a un’allevamentu de caddos, unu de is animales chi prifèrgio.
Però ses essidos foras de pare?
A dolu mannu eja. Aia passadu sa vida a gherrare is ammntos lègios de sa vida, cussos chi abarrant marcados in su coro e in mente. Cun issu pensaia de èssere andada ultres custas làcanas e imbetzes cando nos semus lassados so torrada cussa fèmina pagu segura e dudosa. E nche so torrada a rùere in cussas fàddinas meas chi totus in pare m’ant leadu sa vida. Fia andada a torrare a registrare Zombie, su chi pro medas est su traballu meu prus nodidu, imbetzes so passada a custu mundu.
In medas chircant de istòrchere sa boghe tua ma nemos bi renesset. E medas chircant de cumprèndere is resones de sa dispidida tua ma chena de agatare ìndicos.
Mi faghet praghere chi sigant a istimare sa boghe meda, est unu donu mannu su chi apo tentu. Sa dispidida est unu mistèriu fintzas pro mene, ma creo siat ancora unu mistèriu pro totus.
Mi dda cantas calchi cosa?
Emmo…
Manuela Ennas
