Covid, in logu abertu sa mascheredda no est prus a òbbrigu

Po cantu pertocat s’impestu de su Covid est arribada in custas dies sa cunfirma de su Ministru po sa Salude Roberto Speranza cun su provedimentu chi decretat s’acabbu de s’òbbrigu de portare is maschereddas in logu abertu. Abarrat invècias netzessària si ddoe at ammuntonamentos de gente. S’Itàlia est oramai totu in zona bianca e duncas de su 28 de làmpadas amus a pòdere istare a s’abertu sena mascheredda. A pustis de su parre a favore de su Comitadu tènnicu scientìficu e sa detzisione finale de su Guvernu subra de una de is duas datas propostas, su 28 de làmpadas o su 5 de trìulas, est istadu su Ministru Speranza a firmare su provedimentu e a ddu comunicare fintzas in is canales sotziales: «De su 28 de làmpadas probassamus s’òbbrigu de bestire is maschereddas in zona bianca, cando semus in logu abertu ma semper rispetende is ìndicos de cautela istabilidos de su Comitadu Tènnicu Scientìficu». Fiat istadu su Presidente de su Consìgiu Mario Draghi a annuntziare s’imbiu de sa rechesta a pustis de àere sutaliniadu chi àteros Paisos europeos iant giai fatu custu sceberu. Como est arribbadu su permissu chi donat règulas pro s’impreu de is maschereddas cun òbbrigos diferentes, cumpresu su de dda tènnere cando ddoe at sa possibilidade de si ammuntonare in unu logu e dda portare semper avatu.
Duncas pro fàghere unu resumu:
In logu abertu
Cando istamus in foras no at a èssere prus netzessàriu amparare nasu e buca cun sa mascheredda, ma tocat a mantènnere semper sa distàntzia intra de is personas chi non faghent parte de sa matessi famìlia.
Butegas
Cando imbucamus a una butega at a tocare de dda bestire, e gasi etotu pro chi andat in is tzentros cummertziales.
Tzilleris e locandas
Pro is locales pùblicos balent is règulas giai in vigore. Si istamus in logu a intro faghet a nde bogare sa mascheredda cando semus sètzidos a mesa mentras bisòngiat a dda pònnere cando si nde pesasmus pro calesisiat resone, pro essire o pro s’acurtziare a sa càscia. A is chi traballant in is locales pùblicos , mancari siat a s’abertu, ddis tocat de dda bestire.
Trasportos e ufìtzios pùblicos
Chi detzìdimus de biagiare cun trasportos pùblicos semus obrigados a bestire sa mascheredda e gasi etotu cando intramus in calesisiat ufìtziu pùblicu e in totu is ambientes sanitàrios.

Manuela Ennas

Atividade realizada cun su contributu de sa Regione Sardigna – IMPRENTAS 2020-2021.
LR 22/2018, art. 22
Attività realizzata col contributo della Regione Sardegna – IMPRENTAS 2020-2021.
LR 22/2018, art. 22

Diventa anche tu sostenitore di SardiniaPost.it

Care lettrici e cari lettori,
Sardinia Post è sempre stato un giornale gratuito. E lo sarà anche in futuro. Non smetteremo di raccontare quello che gli altri non dicono e non scrivono. E lo faremo sempre sette giorni su sette, nella maniera più accurata possibile. Oggi più che mai il vostro supporto è prezioso per garantire un giornalismo di qualità, di inchiesta e di denuncia. Un giornalismo libero da censure.

Per ricevere gli aggiornamenti di Sardiniapost nella tua casella di posta inserisci la tua e-mail nel box qui sotto:

Related Posts
Total
0
Share