Connessione intra de tecnologia e didàtica, cunvegnu pro nde resonare

Sa rivolutzione tecnològica de is ùrtimos annos non podiat no interessare a s’iscola. S’iscola e sa didàtica oe sunt ogetu de mudadas ligadas a sa rivolutzione digitale ma fintzas a sa punna de metodologias didàticas noas e de formas noas de aprendimentu. Càmbiat su cuntestu de s’insegnamentu in àula, de frontale e notzionìsticu a interativu e sotziale. Naschent didàticas chi favoressent sa creatividade, sa chirca e s’iscoberta, s’isperimentatzione de is istudiantes, cun unu ruolu nou, totu de imbentare, pro is maistros puru. Sa tecnologia, però a sas sola, no est determinante a cajonare sa mudada ma est de seguru unu fatore chi serbit pro abilitare pràticas e metodologias noas e fainas de traballu chi potzant ifruire in sa manera e in is logos chi definint s’àmbitu de sa didàtica e de s’aprendimentu.

Gràtzias a is tecnologias digitales e a is dispositivos chi faghet a si portare avatu, su mètodu de aprendimentu de sa connoschèntzia si faghet prus interativu ma ancora oe sa majoria de is iscolas non tenent un’infrastrutura tecnològica in gradu de suportare custas formas noas de didàtica e de aprendimentu digitale. S’espressione “innovatzione didàtica at tentu, in is ùrtimos binti annos, declinatziones diferentes ma oe, cun custa locutzione si faghet riferimentu a una didàtica chi impreat is tecnologias pro afrontare is disafios de su tempus presente, pro torrare s’iscola a èssere un’ispàtziu abertu pro s’aprendimentu e no unu logu fìsicu isceti, e pònnere is istudiantes in is cunditziones de isvilupare is cumpetèntzias cun ainas e trastos semper prus cara a su benidore.

In custu paradigma is tecnologias si faghent abilitantes, fitianas, ordinàrias, a su servìtziu de sa faina iscolàstica pro su chi pertocat sa formatzione e a s’aprendimentu, ma fintzas pro sa parte amministrativa, intrende in totu is ambientes de s’iscola: classes, segreterias, ispàtzios comunos, laboratòrios e cumpartziduras de is materiales in sa retza digitale. Subra de innovatzione didàtica, de chirca e mescamente de isperimentatzione su Crs4 e Sardegna Ricerche ant aparitzadu in is dies passadas un’addòbiu internatzionale in su T-Hotel de Casteddu, pro contare s’esperièntzia de su Progetu Idea (incurtzadura pro Innovatzione didàtica e aprendimentu) chi sa truma de Educational technology de su CRS4, ghiada de sa responsàbile iscientìfica Carole Salis, at portadu a dae in antis in is iscolas de primu e segundu gradu de s’ìsula, gràtzias a sa lìnia B2 de su programma Tutti a Iscol@ da sa Regione Sardigna.

Su progetu Idea (https://www.ideab3.it/), pertocat tres temas chi sunt sa Scuola senza pareti, duncas un’iscola chena de muros pro un’aprendimentu a foras de s’iscola puru, su Pensiero computazionale, duncas una manera de pensare pro risòlvere is problemas, e sa Interdisciplinarità, duncas s’impreu de s’inteligèntzia artifitziale pro pònnere in relata is matèrias iscolàsticas e is àmbitus de sa vida nostra. A s’addòbiu, ghiadu se su professore Alessandro Bogliolo de s’Universidade de Urbino, ant leadu parte is espertos Donald Clark; Barbara Wasson, Daniel Schneider, Kevin Burden, Valéry Psyché e Kaska Porayska_Pomsta, totu sa truma de su progetu Idea, is iscolas chi ant aprontadu is progetos (Istitutu Cumprensivu Satta- Fais de Pèifugas, Ianas de Tortolì, Asproni e Fermi de Igrèsias), is rapresentantes de sa Regione Sardigna e de s’Ufìtziu Iscolàsticu regionale.

Manuela Ennas

Diventa anche tu sostenitore di SardiniaPost.it

Care lettrici e cari lettori,
Sardinia Post è sempre stato un giornale gratuito. E lo sarà anche in futuro. Non smetteremo di raccontare quello che gli altri non dicono e non scrivono. E lo faremo sempre sette giorni su sette, nella maniera più accurata possibile. Oggi più che mai il vostro supporto è prezioso per garantire un giornalismo di qualità, di inchiesta e di denuncia. Un giornalismo libero da censure.

Per ricevere gli aggiornamenti di Sardiniapost nella tua casella di posta inserisci la tua e-mail nel box qui sotto:

Related Posts
Total
0
Share