Casteddu capitale de su Padel

Nointames is dificurtades dèpidas a s’apretu sanitàriu de su Covid-19, su World Padel Tour at fatu ischire a manera ufitziale chi su torneu professionale de custu isport at a lòmpere pro sa primu borta in Itàlia puru ca s’organizatzione at seberadu sa tzitade de Casteddu pro cuncordare custu eventu bòfiu e aprontadu de sa Nsa group in collaboratzione cun sa Regione Sardigna e s’agiudu tècnicu-organizativu de sa Federatzione internatzionale de Padel ghiada de Luigi Carraro e de sa Federtennis ghiada de Angelo Binaghi. De su 6 a su 13 de cabudanni – custas sunt is datas inditadas in su calèndàriu de su tzircùitu internatzionale – Casteddu at a acollire su “Sardegna Open 2020″ in sa plaja de su Poetu. Roma e Milano puru fiant candidadas de tempus a cuncordare su torneu, ma s’organizatzione at preferidu Casteddu incapas pro sa positzione chi tenet in su Mediterràneu, pro una seguresa prus manna pro cantu pertocat su Covid-19 e cun s’sipera chi fatzat a giogare a “ghennas abertas” semper chi su livellu de impestu sigat a abarrare comente est immoe. Su Tour chi interessat is mègius giogadores de su mundu, dd’aparitzant pro unu tempus de 11 meses, cun eventos in Ispagna, Argentina, Brasile, Mèssico, Frantza, Bèlgio, Inghilterra e Isvètzia.

Un’àtera nova de importu est chi Sky e Supertennis ant giai comunicadu chi ant a ofèrrere una crònaca totale de su torneu cun immàgines in direta e aprofundimentos garantende unu servìtziu pro su padel e pro totu is amentiosos de custu isport. In prus sa trasmissione televisiva de su torneu at a pòdere dare prus visibilidade a custu isport, arrenneschende a ddu fàghere connòschere a unu nùmeru semper prus artu de personas, e prus visibilidade fintzas a is logos in in ue ddu giogant. A nàrrere sa beridade sunt ancora pagos is giogadores italianos presentes in su WPT, mancari in Itàlia ddoe siant ultres 1.500 campos de giogu assotziados a sa FIT cun belle 10.000 atletas iscritos. Pro immoe ischimus chi sunt arrennèschidas a intrare e duncas ant a leare parte a su torneu Chiara Pappacena e Giulia Sussarello.

Manuela Ennas

Diventa anche tu sostenitore di SardiniaPost.it

Care lettrici e cari lettori,
Sardinia Post è sempre stato un giornale gratuito. E lo sarà anche in futuro. Non smetteremo di raccontare quello che gli altri non dicono e non scrivono. E lo faremo sempre sette giorni su sette, nella maniera più accurata possibile. Oggi più che mai il vostro supporto è prezioso per garantire un giornalismo di qualità, di inchiesta e di denuncia. Un giornalismo libero da censure.

Per ricevere gli aggiornamenti di Sardiniapost nella tua casella di posta inserisci la tua e-mail nel box qui sotto:

Related Posts
Total
0
Share