Acabbu de su mesi de làmpadas cun temperaduras artas, sicori e pibitziris

Su mesi de làmpadas acabbat cun una cida chi at a essi intra is prus callentis de sèmpiri po custu perìodu de s’annu. S’anticicloni africanu Caronte, narant is meteoròlogus, at a portai temperaduras chi ant a arribbai fintzas a 40-43 gradus me is logus de aìnturu de sa Sardìnnia e de sa Sitzìlia, chena de lassai in paxi is àterus logus de s’Itàlia, cun livellus de 38 gradus in su Nord Est. Custa situatzioni arribbat a pustis de unu mesi de maju chi est stètiu su segundu prus callenti de sèmpiri, cun una temperadura de 1,83 gradus prus arta de sa mèdia climàtica de su 1800 a oi.

Su primu efetu de custas undadas de basca est su sicori, chi arrapresentat de annu in annu unu problema sèmpiri prus mannu. A su guvernu funt medas is chi ddi funt preguntendi de studiai solutzionis po cumbati unu fenòmenu dannosu meda fintzas po s’economia, pruschetotu po su setori de sa laurera. Po curpa de su sicori, segundu sa Cia – Massajus Italianus, in su Nord est ddoi est su perìgulu de perdi fintazs a su 50% de sa produtzioni de is sartus e is dannus de sa crisi ìdrica funt giai superendi in totu unu milliardu de èurus.

Su presidenti de Coldiretti Ettore Prandini at intregau me is diis passadas una lìtera a su presidenti de su Consillu Mario Draghi pedendi-ddi de decrarai su stadu de apretu, e de pigai a lestru decisionis po assigurai sa frunidura de benis alimentaris a sa genti. Segundu Coldiretti tocat a studiai unu pranu natzionali po is barcilis, poita oindì accollint sceti su 11% de s’àcua proina mentris eus a podi arribbai a su 50% evitendi is situatzionis de crisi chi seus sunfrendi fintzas ocannu, cun una spesa chi me is ùrtimus 10 annus at superau is 10 milliardus de èurus.

A is dannus ingendraus de su sicori in Sardìnnia tocat a aciungi cussus ocasionaus de s’invasioni de pibitziri chi est faendi dannu a s’incùngia de is sartus, in una zona chi de su pranu de Otzana est arribbada a Sa Màrghine, a Sa Costera, a Otieri e a Sedilo. Segundu Coldiretti cun custu rìtimu ddoi est su perìgulu de perdi cincuantamilla ètarus intra de pagus cidas, cun is aziendas chi no podint manixai sa terra pròpriu candu s’Itàlia tenit abbisòngiu de afortiai sa capacidadi produtiva sua po cumbati is efetus de sa gherra in Ucràina.

Massimiliano Meloni

Atividade realizada cun su contributu de sa Regione Sardigna – IMPRENTAS 2021-2022.
LR 22/2018, art. 22
Attività realizzata col contributo della Regione Sardegna – IMPRENTAS 2021-2022.
LR 22/2018, art. 22

Diventa anche tu sostenitore di SardiniaPost.it

Care lettrici e cari lettori,
Sardinia Post è sempre stato un giornale gratuito. E lo sarà anche in futuro. Non smetteremo di raccontare quello che gli altri non dicono e non scrivono. E lo faremo sempre sette giorni su sette, nella maniera più accurata possibile. Oggi più che mai il vostro supporto è prezioso per garantire un giornalismo di qualità, di inchiesta e di denuncia. Un giornalismo libero da censure.

Total
1
Shares

Per ricevere gli aggiornamenti di Sardiniapost nella tua casella di posta inserisci la tua e-mail nel box qui sotto:

Related Posts
Leggi

Fillu de chini ses? Saffo

E oe puru pro sa rubrica Lapis apo tentu bonasorte, ca so renèssida a adobbiare una fèmina connota…
Total
1
Share