Su madzore a manu tènta
Lu lèo a manu tenta su Madzòre
Kòmo, ka no bi gjuat peonéndhe,
tàndo… li fit impreu a su Promòre:
“No m’est berànu, kòmo!” Ndh’essit nènde
‘E akkìddhu lu fruno, oh itt’est su dòlu!
Ka de karèna no b’asseliat reu,
su fidzu ki l’attùat, l’est konsolu!
Ei kòmo, kie l’adzùat, est s’erèu!
Mi kòntat: “Tandho, akkant’a su foghìle
tue faskadu, pitzinnu ‘e naskidorzu
ego kànsidu ‘e laorare, a beranile
a duru duru, isterrìa su memulondzu!”
S’ammodhigat de kidza, a kuss’ammentu,
Sos kavanos, a kòra, gài kansìdos,
‘E làmbrigas, s’istìga ‘e su lamentu,
Sos impreos de s’homine: kumpridos!
Li sìghit su kontu, sukkuttèndhe:
“Setzidu in koa, tàndho ti gjughìa
Pro biere sos ogjos tuos, ingalenèndhe
A duru, duru sa hoghe pesaìa!”
“A duru duru, ‘e domo prèndha,
Salùdu e trigu, ti siat sa rendha!
A duru duru e kène dòlu,
Ebbìa s’alenare, ti siat konsòlu!”
Appèntos de beranu ‘e pitzinnìa
‘E làras e de kàvanos s’iskàndzu,
‘E kria itte abolòttu, est balentìa
Netta s’intragna! ‘E krasa est su ‘alandzu
Nino Sole
(immagine: ‘Lo sguardo’ di Sabrina Santoro)
