Limba, la risposta (in limba) di Michela Murgia

Nei giorni scorsi Alessandro Mongili ha posto una serie di domande a Michela Murgia sulla questione della lingua. Ecco la risposta che la scrittrice – e candidata al governo della Sardegna – ha inviato a Sardinia Post.

Sa chistione linguìstica sarda est unu problema fundamentale in sensu polìticu, culturale e fintzas econòmicu. Est duncas pretzisu a torrare a Lisandru Mongili una respusta comente si tocat, cun sa cussèntzia de s’importantzia e de sa cumplessidade de su chi semus trattende.

 “A sa Sardigna chi cherimus non dd’at a mancai nudda: nemmancu sa limba”. E cun custos fueddos chi apo agabbadu s’arresonu miu in ue apo atzetadu sa candidadura a Presidente de sa Sardigna. Tocat però de s’amentare chi nos semus movende in un ambitu chi est articuladu in vàrios livellos: politicu, culturale, istitutzionale, giuridicu. Nudda at a èssere simple, ma tenimus su cunfortu de ischire ca non semus partende dae zero. De traballu nd’est istadu fatu meda, in custos annos, e non est istadu fatu de badas. In custu contu est pretziosu su traballu chi ProgReS at giai fatu in sos annos colados. Bastat de si lèghere su Documentu de polìtica linguìstica suo [https://progeturepublica.net/politicas-linguisticas-in-progres/#.UgjdV987lT6] pro agatare respustas medas, fintzas a contu de is cosas chi m’at preguntadu Lisandru Mongili. E sunt respustas positivas.
 Is respustas prus cumpletas ant a èssere in su programma chi amus a cuntzertare in is meses chi benint, ma sa prospetiva cosa mia est cussa de cumintzare a donare a sa Sardigna sa cumpetèntzia totale a pitzus de s’istrutzione. Pro fàghere custu tocat a fraigare un’Iscola e un’Universidade chi siant a beru sardas [https://progeturepublica.net/comunicati/continuiamo-a-progettare-siscola-sarda/#.UgjeEt87lT4], in ue is limbas natzionales nostras siant sa base pro un’istrutzione plurilìngue. Custa est una rivolutzione culturale chi non at a pòdere èssere fata in su tempus de una legislatura, ma tocat a su mancus a dda cumentzare.

Ma pro me sa chistione linguìstica no est isceti culturale e duncas non podit abarrare serrada isceti in carchi ufìtziu. Est un’istrategia generale chi depet acumpangiare sa limba nostra a sa normalidade. Non pentzo chi bastit a tènnere un'”Assessoradu” o una “Diretzione generale”, ma chi cada assessoradu e diretzione generale depat traballare cunsiderende normales totus is limbas natzionales. Sa pranificatzione e sa polìtica linguìstica, in prus de èssere una lìnea polìtica generale de s’atzione de guvernu, depet èssere isvilupada dae un’Istitutu pro is Limbas natzionales [https://www.progeturepublica.net/comunicati/politicas-linguisticas-in-progres-istitutu-pro-su-plurilinguismu/], chi siat perou indipendenti dae sa polìtica, fatu dae is mègius cumpetèntzias iscientìficas chi s’agatant in Sardigna e a foras puru, pro donare inditos e respustas tècnicas a sa normalizatzione de su plurilinguismu sardu.

Su programma nostru dd’amus a iscrìere in is meses chi benint, ascurtende is esigèntzias e is cumpetèntzias de is sardos e de is sardas, fintzas pro su chi pertocat sa limba. In custu progetu, in custa Sardigna Possìbile chi semus fraighende, b’est logu pro totus cussos chi s’at a chèrrere agiudare a mudare custa possibilidade in realidade.
 Cun amistade,

 

Diventa anche tu sostenitore di SardiniaPost.it

Care lettrici e cari lettori,
Sardinia Post è sempre stato un giornale gratuito. E lo sarà anche in futuro. Non smetteremo di raccontare quello che gli altri non dicono e non scrivono. E lo faremo sempre sette giorni su sette, nella maniera più accurata possibile. Oggi più che mai il vostro supporto è prezioso per garantire un giornalismo di qualità, di inchiesta e di denuncia. Un giornalismo libero da censure.

Total
0
Shares

Per ricevere gli aggiornamenti di Sardiniapost nella tua casella di posta inserisci la tua e-mail nel box qui sotto:

Related Posts
Leggi

Fortza e debilesa de Renzi

Matteo Renzi est su secretàriu nou de su Pd, e no at tentu nisciuna opositzione sèria a ddu…
Total
0
Share