“Is imbistidas pùbricas funt sa primu cosa de fai po ndi bessiri de sa crisi”. Ddu at nau custu mengianu Frantziscu Pìgliaru, su presidenti de sa Regioni Sarda, anche s’atòbiu (po eligi a is meris) apariciau de sa Cgil in su Hotel Regina Margherita de Casteddu e chi at sighiri cras puru. “Is chi ddis nanta amortizadoris sotzialis funt un’aina giai bècia – at nau su gubernadori arrespundendi a is preguntas de is giorronalistas – ma imoi no ndi podeus fai de mancu. Tocat perou a circai de strantaxai polìticas noas po s’adelantamentu de su traballu”. Pìgliaru at nau puru chi mèrcuris at a presentai su programa cosa sua.
Po cantu spetat a s’atòbiu de is dirigidoris de su sindacau, tocat a nai chi dd’ant incingiau cun s’arrexonu de Miali Carrus, chi, podit essi, crasi at a essi anominau torra a sa ghia de su sindacau. “Traballu e adelantamentu imoi e totu, – at nau – po custu abetaus un’aparìciu lestru de is imbistidas pùbricas chi ant a oberri torra is cantieris e di aici ponni a traballai is chi pigant sa disocupatzioni”.
