Po su 15 de maju, in su Palàtziu de su dirigidori de is minas de Monti Bèciu, in Gùspini, ant apariciau sa segundu perra de s’atòbiu internatzionali chi tenit su tìtulu “Johann Georg Bornemann: unu naturalista imprendidori in sa Sardigna de s’Otuxentus”.
S’atòbiu, apariciau de s’Universidadi de Casteddu, at a cumentzai a is cuatru de a merì. A pustis de is saludus de is Autoridadis, s’incìngiu de is traballus a incuru de Gian Luigi Pillola e Giancarlo Nonnoi.
Custas is arrelatas e is spertus chi ant chistionai: “Johann Georg Bornemann: scentziau e imprendidori in sa Sardigna de s’Otuxentus” de Antonietta Cherchi e Rolf Schroeder; “Is iscèntzias de sa terra in Itàlia e in Sardigna a pustis de s’arresorgimentu” de Giancarlo Nonnoi; “Antropologia de sa vida de dònnia di’ in is minas de Gennamari e Ingurtosu in sa segunda mitadi de s’Otoxentus” de Paola Atzeni.
In prus, nci at a essi un’amosta a pitzus de Bornemann e unu giru a su “Casteddu” de Ingurtosu.
