Aleni Ledda at a essi candidada a is eletzionis europeas de su mesi de maju chi benit, me in sa lista de manca chi Tsipras ddi nanta. Su collègiu letorali est su de is ìsulas, est a nai Sardigna e Sitzìlia.
Sa cantadora de Cuartu Sant’Aleni, chi tenit a su mancu trint’annus de carriera me in su mundu de sa mùsiga e de is ispetàculus, artista connota meda in totu su Mediterràniu e in Terramanna est, ca at traballau puru cun òminis e fèminas de cabali che cantadoris, musicistus e artistas. In prus, de cuatru annus est sa “dirigidora artìstiga” de su Prèmiu Andria Parodi intregau a sa world music.
Sa lista chi est candidada Aleni Ledda est duncas sa de Alexis Tsipras, su presidenti de Syriza, su partidu aregu chi me in is ùrtimas eletzionis at pigau su bintisei po centu. In su mes”e idas de ocannu colau sa Manca d’Europa dd’at sceberau a candidau presidenti po sa Cumissioni europea.
Ma in sa lista Tsipras chi currit in su collègiu de is ìsulas, un’atra candidada sarda puru nc’esti: est a nai Simona Lobina, laureada in lìnguas anche s’universidadi de Casteddu e imparadora de limbas istràngias. Imbecis, sa meri de sa Lista tsipras at a essi Bràbara Spinelli, giornalista italiana connota meda.
Càralu Mulas
