Ariseru ‘e noti in Vitzi, faci a is tres oras, ant postu fogu a sa màchina de unu carabineri, una Fiat Panda chi fiat aparcada no meda atesu de domu sua.
A s’automòbili dd’ant arrosiada cun benzina o àteru lìchidu inframàbili e a pustis ant allutu su fogu. In su logu funt arribaus is pompieris de su Cumandu de Nùgoro chi ant studau is framas e is carabineris chi su meri est Fàbiu Saddi, su capitanu. Acanta sa màchina ant agatau un’ampudda sbuida, umperada po dd’arrusciai e ddi donai fogu.
Po imoi nisciunu scit e chini est stètiu a fai custa cosa mala, po fintzas su carabineri chi benit de Terramanna e bivit in Vitzi de noi annus, bidda chi ddi praxit meda e aundi tenit amigus.
