Sirbana Oggiano, bonànima, est morta ariseru ca sa màchnia cosa sua nd’est bessia de s’arruga. Est sutzèdiu ariseru de a mengianu in sa Buddi Buddi, s’arruga chi acàpiat Tàtari a sa plaja de Platamona. Sa fèmina teniat 36 annus e duus fillus de 7 e 12 annus. Cun issa su maridu, chi ghiàt s’àuto e chi no s’est fatu nudda. A sa mulleri dd’iant arrecoverada e operada de urgèntzia, ma no nc’est stètiu nudda de fai. Crasi in Vidda ecchja nci at a essi s’interru.
Lòiri: sparèssiu un’òmini, cumentzat sa busca
Bainzu Làcana, unu pitzajolu de 35 annus de Lòiri, est sparèssiu e de sàbadu niscunu ndi scit prus…
