Anch’est su tzircu Martin, in Domusnoas, est arribada sa forestali po cuntrollai is animalis chi, nanta, anti tentu unu malu tratamentu. Su scrucùlliu est cumentzau pagu tempus fait, at nau Irene Davì, sa meri de sa setzioni Cites de Romas, a pustis de unas cantu chèscias fatas de is assòtzius ambientalistas e de sa trasmissioni televisiva “Striscia la notizia”. Tres is bèstias chi sa forestali at sighiu cun grandu atentzioni: un’orsu murenu, una tigri e unu liofanti afriganu.
Ma is bèstias podiant essi po fintzas perigulosas. Po custas arrexonis sa forestali at detzìdiu de pigai is tres animalis, prus unu ipopotamu, e de ddus betiri in un’atru logu. Ma po custu tocat a abetai s’ordinàntzia de su pùbrigu ministèriu. A cust’operatzioni at pigau parti sa polima de Bidda ‘e crèsia puru.
Càralu Mulas
