Tirrènia s’est posta de acòrdiu cun sa banca Intesa San Paolo. De custa manera sa cumpangia de navigatzioni italiana donat sa possibilidadi a totu is cunsumadoris de comporai is billetus de manera prus simpli. Custu gràtzias a My bank, su serbìtziu de còmporas on line chi at a permiti de pagai de manera facili e sentz”e probremas.
Su serbìtziu po is pagamentus litrònigus chi ddu manìgiat Setefi at arribai a sa lestra me in su giassu web de sa Tirrènia puru, ca po imoi ddu umperant is butegas de biaxis sceti. “Sa Tirrènia – at nau Etori Morace, s’aminisdradori de su grupu – est sa primu cumpangia in su setori de su shipping a donai a is borrochianus custu serbìtziu nou e seguru”.
Càralu Mulas
