Su sostitudu procuradori de sa repùbrica in Casteddu a nau chi Màssimu Zedda, su sìndigu de sa tzitadi, depit andai a prutzessu po s’acontèssiu de sa nòmina de Marcella Crivellenti a dirigidora de su Tiatru lìrigu. S’acusa mòvia a su sìndigu est sa de “abusu de ufìtziu”, mentras ant giai burrau sa de “farsu”.
Su sìndigu de Casteddu, chi cumenti eus giai nau in un’atru artìgulu, at atobiau su Pm su 12 de martzu colau, sighit a essi s’ùnigu indagau in custa stòria cumentzada cun sa chèscia de is traballadoris de su tiatru a sa nòmina de sa Crivellenti, burrada de su Tribunali aministradivu a pustis.
