Custu mengianu anche su portu de s’ìsula arba in Terranova, sa finàntzia at cucau un’òmini, M. D. de Milanu , chi teniat unu chilu de cocaina. A fulanu dd’ant postu is ferrus e betiu a sa presoni chi s’agatat in Tèmpiu.
Sa droga, chi tenit unu balori de prus o mancu 250 milla francus nous, fiat stugiada aiuntru de dus imboddicus totus profumaus in una Renault Espace. Ma is canis de sa scuadra cinòfila ant intèndiu su fragu de sa cocaina su pròpiu e duncas ant permìtiu a is giustinus de cucai su milanesu chi teniat sa fedina penali lìmpia.
