Timoria manna ant tentu oi a merì in Terranova ca su fogu s’est papau una domu. Est acontèssiu in s’arruga de Lòiri, in unu de is bixinaus nous chi arròdiant sa tzitadi. Giai a is cuatru, is framas, chi nisciunu at ancoras cumprèndiu e cumenti si funt allutas, ant cumentzau a destrui sa domu de Giusepi Vacca.
Candu is pompieris funt arribaus, sa domu fiat giai abruxada. Intzandus ant sturau su fogu e cumentzau a scruculliai su chi nd’abarràt. Sa polima puru est arribada ingunis.
Su meri de sa domu est su babbu de Mateu Vacca, su giòvunu chi su primu de gennàrgiu colau iat puntu a lepa a su fradi concoinu e chi nd’est bessiu de presoni pròpiu in custas diis.
