Fideli Sànciu no est prus su comissàriu de s’Autoridadi de su portu de Terranoa. Pustis tres mesis de mandau, Marìtziu Lupi, su ministru de is trasportus in su gubernu nou, no ddu at nominau torra. S’incàrrigu imoi si dde est pigau Nùntziu Martello, su comandanti de sa Capitaneria.
Su traballu de Sànciu me in su portu de sa tzitadi gadduresa est acabau. Sìghint imbecis is buscas de sa giustìtzia ca a Sànciu, paris a Lupi, ddu iant iscritu me in s’arregistru de is indagaus de sa Procura de Tèmpiu. A sa magistradura no torrant is contus ca Sànciu at istudiau fintzas a sa de tres classis in sa scola mèdia e duncas parit no tenni is deretus e su tìtulu po fai custu traballu. Est a nai chi sa “terza media” no abastat.
In prus, de ariseru scieus puru chi in domu de Sànciu, chi ddu iant giai fatu senadori de sa Repùbriga italiana e presidenti de sa meria de Gaddura, sa polima iat fatu puru una percuisa. Su scrucùlliu perou est acapiau a un’atra busca a pitzus de su manìgiu de unas cantu sotziedadis de domus.
