Luisu Angioni, bonànima, un’òmini giubilau de 75 annus, est mortu oi in S’Isca, in su sartu de Terraba. A cantu parit a su tziu dd’at bociu sa fresadora de sa marra-a-motori, e no duncas de su tratori, cumente iant nau: at postu po sbàlliu s’arretromàrcia e sa màchina dd’at strecau cuntr’a un’àrburi, bocendi-ddu. Totu est acontèssiu de a mengianu, ma si ndi funt acataus sceti de a merì, candu sa famìllia est andada a ddu circai in su sartu.
Lòiri: sparèssiu un’òmini, cumentzat sa busca
Bainzu Làcana, unu pitzajolu de 35 annus de Lòiri, est sparèssiu e de sàbadu niscunu ndi scit prus…
