Anti mandau a La Nuova Sardegna e a Il Fatto Quotidiano duas lìteras chi no funt beras. In custas duas epìstulas nant chi a Stèvini Tunis, su cunsilleri regionali nou de Forza Italia, est in tribulia cun sa giustìtzia, ca dd’ant acusau de cosa lègia meda: est a nai de fai trogas e de tenni una cundenna giai. Su chi fait spantu est su fatu chi amba duas is lìteras tenint su timbru de su casellàriu giuditziali. Ma custu puru, a s’acabu, est arresurtau essi una fàula, est a nai farsu.
Imoi sa giustìtzia est currendi a palas de is chi ant apariciau custa faina, pròpiu sa di’ a primu de s’incìngiu de su stamentu arregionali nou. In prus, nd’est partia puru una denùntzia po “difamatzioni” contra genti desconnota.
