A s’acabu, a sa de ses dies, de is grifonis de Sèdilo est torrada a ndi bessiri s’àcua. Diaici, sa situatzioni cumentzat a torrai a bellu a bellu a sa normalidadi, ma is auto-carradas ant a essi prontas su pròpiu. S’àcua at cumentzau a curri in s’arretza de ariseru a mengianu e a de noti parit chi siat lòmpia in totu is domus. Duncas, s’acònciu nou de Abbanoa, fatu imperendi unu tubu de polietileni po “brincai” su tretu de tubus segaus, serbiu est. Imoi in sa bidda de Santu Antinu abetant is traballus chi ant a depi cambiai is tubus bècius de cementu-amiantu cun un’arretza noa e funtzionali.
Lòiri: sparèssiu un’òmini, cumentzat sa busca
Bainzu Làcana, unu pitzajolu de 35 annus de Lòiri, est sparèssiu e de sàbadu niscunu ndi scit prus…
