Frantziscu Tronci de Seddori est mortu oi in su spidali “Brotzu” de Casteddu a pustis de unu stumbu. Est acontèssiu custu mengianu in s’arruga chi acàpiat Seddori a Samassi. S’òmini, chi teniat 85 annus, at causau su stumbu cun una manuvra perigolosa meda: est a nai, de una arrughixedda in su sartu nd’est intrau a retromàrcia, cun sa Panda bècia cosa sua, in s’arruga manna. In cussu momentu est arribada una Volkswagen Golf chi dd’at lantzada de manera forti. Su ghiadori de s’àtera màchina, issu puru seddoresu, est abarrau fertu ma de manera lèbia sceti. In su logu de su stumbu funt arribaus polima e carabineris.
Lòiri: sparèssiu un’òmini, cumentzat sa busca
Bainzu Làcana, unu pitzajolu de 35 annus de Lòiri, est sparèssiu e de sàbadu niscunu ndi scit prus…
