In sa praja de Scivu, chi fait parti de su comunu de Arbus (in sa meria de su campidanu de mesu), ariseru ‘e noti ant agatau su corpus sentz”e conca de una fèmina. A cantu parit, sa carena est arribada in deretura de su mari. Su spertu de meditzina legali at nau chi sa fèmina parit essi morta a su mancu una mesada fai.
Is carabineris funt lòmpius in sa praja a pustis chi ddus ant tzerriaus is de sa Capitaneria de portu de Aristanis chi fiant scruculliendi sa costa e su mari. Su chi nd’abarrat de sa fèmina, bonanima, dd’at pigau sa polima po s’autopsia, est a nai po ndi podi cumprendi mellus e chini fiat issa ma puru po ndi circai sa càusa e sa manera chi s’est morta.
Càralu Mulas
