Sa Protetzioni Tzivili at nau chi est arribendi su tempus lègiu torra e chi nci ant a podi essi probremas, po su prus in sa meria de Bidda de crèsia, in su Campidanu, in su chi ddi nanta “Bacino Montevecchio Pischilappiu”, in su Tirsu e in su Flumendosa-Flumineddu. S’allerta, chi est de “moderata criticità per rischio idrogeologico”, cumentzat cenàbura e at a sighiri po 24-36 oras.
Is perìgulus ant a essi meda – nanta is metereòlogus – po su prus ca nci at a essi bentu forti forti, lampus, àcua e atrus fenòmenus de importu. Su cunsilu est su de abarrai in domu.
