Un’àtera perturbatzioni nd’est arribendi de su Otzeanu Atràntigu e giai a cumentzai de oi at a betiri torra su tempus lègiu, est a nai àcua e bentu, po fintzas in s’ìsula nostra e in sa parti de bàsciu de s’Itàlia. Po custu sa Protetzioni tzivili at ghetau su bandu de “allerta” po Sardìnnia, Làtziu, Campània, Basilicada, Calàbria e Sitzìlia. Su bentu, forti meda, s’at fai intendi po su prus in s’ìsula e in su Tirrenu.
Lòiri: sparèssiu un’òmini, cumentzat sa busca
Bainzu Làcana, unu pitzajolu de 35 annus de Lòiri, est sparèssiu e de sàbadu niscunu ndi scit prus…
