S’assòtziu de is bingiateris de Samugheu at a ponni in is ampuddas de su binu is tichetas chi podint essi ligias po fintzas de is tzurpus. Custu imbentu bonu meda est nàsciu a pustis de un’atòbiu intr”e is meris de sa chintina e una fèmina tzega. Sa ticheta at essi scrita cun is carateris Braille.
S’assòtziu cumerciali samughesu at detzìdiu de fai donu de sa primu ampudda a su Assòtziu de is tzurpus de Aristanis. Sa bidea est de apresentai e fai connosci custu progetu a unu pùbricu prua mannu, aparicendi un’atòbiu chi ant a pigai parti su Comunu, s’Assòtziu po su cumèrciu de Aristanis e su de is tastadoris de binu.
