Sa barandìllia de su bastioni a mari s’est segada e un’òmini est mortu, a pustis de unu bòlidu de ses metrus. In bàsciu, sa conca de issu at donau unu cropu forti meda a su basamentu de cementu.
Est sutzèdiu custu merì in Salighera/L’Alguer. A s’òmini, bonànima, Domìnigu Nurra ddi narànt e 71 annus teniat. Connotu meda fiat in sa tzitadi cadelana, ca iat traballau po tempus meda in sa Sella e Mosca.
A nudda funt serbias is tentas de ddu torrai in vida de un’infermiera chi fiat ingunis e de is de su 118, arribaus a sa lestra in su logu de s’acontèssiu. Sa mulleri fiat cun issu e at biu totu. Imoi sa Procura de sa Repùbriga de Tàtari at incingiau una circa.
