“Su gubernu no pedit is dimissionis a ministrus o sutasegretàrius po un’apolta de garantzia sceti”. Custu at nau Maria Aleni Boschi, sa ministra po is arrelatas cun su stamentu, arrespundendi a s’interrogatzioni a pitzus de sa nòmina de Frantzisca Barràcciu a sutasegretària in su gubernu chi nd’est meri su ex sìndigu de Firentzi, Mateu Renzi.
A pustis de s’interrogatzioni mòvia de su Movimentu Cincu Isteddus, sa parlamentari at nau: “Sa Barràcciu tenit una grandu sperèntzia polìtiga e aministrativa, chi s’est fata prus arrica ancoras in su Parlamentu europeu. Cosa chi at a serbiri a su gubernu nostru. Su gubernu no pedit is dimissionis a ministrus o sutasegretàrius po un’apolta de garantzia sceti. Eus giurau a subra de sa Costitutzioni e duncas crieus in su printzìpiu de sa presuntzioni de innocèntzia. S’apolta de garantzia serbit po amaparai sa personi e no po nd’amostai sa curpa, cosa chi at a fai sa giustìtzia. Po custu, candu sa sentèntzia at a essi pronta, intzandus eus a biri su chi s’at a fai”.
Càralu Mulas
