Sa Bàrdia costera de Portu Turre/Postudorra, cun s’agiudu de sa Asl de Tàtari, at portau a càstiu a su mancu sessanta piolas de su cabu de susu. De is iscrucùllius nd’est bessiu a foras chi una perra de is piolas cumpudadas no fiant a postu cun is leis chi arrègulanta sa bèndida de cosa ‘e papai. In prus is giustinus ant sercuestrau norantotus chilus de pesci e dexi chilus de purpa de arritzonis.
Cincu is meris de piola chi funt stètius denuntziaus poita ca bendiant màndigu proibidu e chi no fiat bonu che prupixeddus tropu piticheddus, e prupa de arritzoni astragada e posta mali. Is bàrdias postudorresas ant postu 25 gabellas, est a nai 52 milla francus in totali, a is piolas chi no teniant is paperis po fai cumprendi e de aundi su pisci nd’arribàt, e po fintzas a is chi allogànt sa cosa ‘e papai pudèscia. In prus, ant ghetau a mari torra 1.300 arritzonis bius.
