In sa meria de Casteddu ant obertu torra is portalitus de sa lìngua sarda. Is tzitadinus chi tenint abisòngiu de serbìtzius e àteras fainas in sardu, podint pediri s’agiudu de is obradoris provintzialis chi ddus ant a agiudai po calichisiat cosa. Is portalitus chi torrant a essi prontus funt is de su comunu de Cuartu, su de su comunu de Mara e su de sa Provìntzia de Casteddu.
Custu s’agatat in Casteddu, in s’arruga Cadello nùmeru 9 a su pranu ‘e terra, i est obertu lunis, mèrcuris, giòbia e cenàbara de is otu de a mengianu a is duus de a merì.
“Custu progetu – nant is de sa Provìncia de Casteddu – tenit sa tenta de sperimentai s’impreu de sa lìngua sarda in s’aministradura pùbrica. Is portalitus, duncas, serbint po: agiudai a is tzitadinus chi bolint impreai su sardu po comunicai cun is ufìtzius pùbricus; is tradusiduras in sardu de is àutus; s’adelantamentu e su svilupu de is giassus web”.
Su serbìtziu, chi tenit s’agiudu de sa lei 482 de su Stadu italianu po is minoràntzias linguìstigas, at a acabai su 31 de su mes”e idas de ocannu.
