Sighint is black-out a sa tzitadedda universitària de Pauli, aici anti detzìdiu de si chesciai cun s’Arretori de s’Universidadi de Casteddu po ddi pediri de arrisorvi custu probrema grai e sèriu. S’arriscu prus mannu est chi is machinàrius, chi costant meda, si potzant po fintzas segai. A cantu parit, de s’Ubiversidadi ant fatu sciri chi de innoi a pagu ant a partiri is traballus po aconciai a sa cabina elètriga chi, aici nanta, su mori de su probrema est.
Lòiri: sparèssiu un’òmini, cumentzat sa busca
Bainzu Làcana, unu pitzajolu de 35 annus de Lòiri, est sparèssiu e de sàbadu niscunu ndi scit prus…
