Ant furau e postu fogu in unu camasinu de cosa elètriga chi s’agatat in su Riu Saliu de Pauli. Est sutzèdiu a de noti, candu duus personis funt intraus in su dipòsitu prenu de ainas e àteras cosas po traballai. Is furonis anti pigau arràmini e prolungas. Acabada sa fura, anti postu fogu e si ndi funt andaus.
Is framas ant destruiu su dipòsitu e totu su chi nci fiat aintru. A sturai su fogu funt stètius is pompieris. Imoi is giustinus funt circhendi is furonis chi, a cantu parit, fiat interessaus a s’arràmini sceti ca anti lassau ingunis totu is àteras ainas.
