Stumbu lègiu meda in s’arruga chi portat a sa 131, pagu a foras de Nùgoro: duas màchinas, una Seat Ibiza cun tres personis de Tiniscole aintru e una Peugeot 206 ghiada de un fèmina, si funt istumbadas, totu is duas cun sa parti de ainnantis. In su scontru, sa Peugeot at pigau fogu cun sa ghiadora serrada aintru chi no arrennesciat a bessiri. Sceti gràtzias a s’agiudu de àtera genti nd’est bessia.
A custa ddi nanta Taniela Aru, tenit 41 annus e de Nùgoro est. Imoi tenit abruxaduras de segundu e de tres gradus in dònnia logu de su corpus, po su prus me in is cambas. Po custu dd’ant arrecoverada a su spidali de Tàtari. Ferius puru is tres chi fiant aintru a sa Ibiza.
