Sa Costa Serena torrat in Casteddu e sa tzitadi fait su prenu de turistas. Est acontèssiu oi e a nai sa beridadi nisciunu ddu scidiat. Custu poita ca sa nai po is cruceras depiat andai in Tunisa. Ma sigumenti su tempus in sa banda de susu de s’Africa fiat lègiu meda, ant pigau sa detzisioni de fai ruta faci a sa Sardigna.
Unu spantu duncas po cumerciantis e butegheris in custas diis de crisi. Difatis, de su bastimentu ndi funt calaus prus o mancu tremilasexentu turistas: po su prus italianus ma no amàncant is frantzesus e is tedescus. In su portu ddus ant arricius cun mapas de Casteddu e de is logus turìstigus, e po fintzas cun is depliants de sa festa manna de Sant’Efis, cun sa tenta de ddus portai torra in casteddu sa di’ de sa prufessioni.
Càralu Mulas
