Prontus a totu po circai de ndi sarbai su traballu. Funt is traballadoris de Meridiana chi faint parti de su Usb e chi no si ponint làcanas. Nemancu de andai a si chesciai e a gherrai in Terramanna. Di aici, pedint s’agiudu de su Ministèriu de is trasportus e ameletzant de andai po fintzas a Romas po arresorvi sa crisi de Meridiana.
Custu poita ca su gubernu at nau ca nou a s’arrennovu de sa “cassa integrazione” po is 1200 traballadoris de sa cumpangia aèrea. “Sa chèscia e sa mobilitatzioni sighint – ant nau is de su sindacau – ca no si podeus firmai imoi: Meridiana est in una situatzioni lègia meda e su Stadu italianu depit fai una circa sèria a pitzus de su liòngiu intr”e Meridiana e Air Italy”.
“Sa solutzioni – ant nau ancoras, sighendi s’arrexonu – est cussa de sa solidariedadi intr”e is traballadoris de is duas cumpangias. Sa gherra de aintru no fait beni a Meridiana chi, de custa manera, currit faci a una derota segura”.
