Ariseru is carabineris de sa cumpangia de Giba ant arrestau a Giulianu Usala, un’òmini de 51 de Masainas, chi at fertu a un’atru òmini in unu tzilleri de bidda chi dd’at acabada a su spidali “Sirai” de Crabònia. A cantu parit, is duus ant certau aintru de su tzilleri po scimpròrius. De suncona, su primu at ghetau sa tassa prena de birra cuntra s’atru.
A pustis de su primu noti in bujosa, oi a s’òmini dd’ant portau ananti de su giugi chi at nau chi, po imoi, issu no si podit acostai a s’atru e no podit andai a su tzilleri.
