A pustis de sa morti de s’òmini chi dd’ant bociu a bòmbia custu martis colau in sa tzitadi de s’Ogiastra, oi ant apariciau in Lanusé un’atòbiu po chistionai de siguresa, bòfiu de Giuanni Meloni, su prefetu de Nùgoro. S’incontru ddu ant a fai a mesudi’: ant a arrexonai de s’istadu de sa criminalidadi in Ogiastra.
A s’atòbiu nci ant a essi: Pedru Luisu D’Angelo, su Cuestori de Nùgoro; Pissentu Bono, su cumandanti de is carabineris in sa meria de Nùgoro; Luisu Mimmo, su colonellu de sa Bàrdia de finàntzia; is scruculliadoris de sa Polima e de is Carabineris; Tàvidi Ferreli, su sìndigu de Lanusé, prus is àterus sìndigus chi tenint calincunu interèssiu in custus acontèssius.
Comuncas, sighint is circas po cumprendi unu pagu mellus custu ùrtimu bocidròxiu. Is giustinus circant de torrai a strantaxai sa vida de s’òmini chi fiat in tribulia cun sa giustìtzie e chi fiat a is “arrestus domiciliaris”. Sempri oi in Lanusé nci at a essi s’interru de s’òmini. Sa missa est a is tres e mesu de a merì, in sa crèsia de Santa Maria Maddalena.
