Johann Georg Bornemann: unu naturalista imprendidori in sa Sardigna de s’Otuxentus. Custu su tìtulu de sa primu perra de s’atòbiu internatzionali chi ant apariciau oi in Casteddu, anche su Ghetto de is Ebreus, in s’arruga de Santa Creu nùmeru 18.
S’atòbiu, apariciau de s’Universidadi de Casteddu, at a cumentzai a is cuatru de a merì. A pustis de is saludus de is Autoridadis, s’incìngiu de is traballus a incuru de Gian Luigi Pillola e Giancarlo Nonnoi.
Custas is arrelatas e is spertus chi ant chistionai: “Johann Georg Bornemann: scentziau e imprendidori in sa Sardigna de s’Otuxentus” de Antonietta Cherchi e Rolf Schroeder; “Is iscèntzias de sa terra in Itàlia e in Sardigna a pustis de s’arresorgimentu” de Giancarlo Nonnoi; “Antropologia de sa vida de dònnia di’ in is minas de Gennamari e Ingurtosu in sa segunda mitadi de s’Otoxentus” de Paola Atzeni; “Is trilobitus de su Cambrianu in Sardigna: de Bornemann fintzas a oi” de Gian Luigi Pillola; “S’erèntzia de Bornemann po s’archio-fàuna de su Cambrianu” de Françoise Debrenne e Adeline Kerner; “Is trilobitus de sa Colletzioni de Bornemann anche s’Universidadi de Halle: mirada a tènnica 3D” de Sophie Kretschmer, Gian Luigi Pillola, Wolfgang Gossel e Norbert Hauschke; “Sa Colletzioni de Bornemann anche s’Universidadi de Halle che sprigu de su traballu de unu geoscentziau e industriali in su de 19 sèculus” de Norbert Hauschke.
Sa segundu perra de s’atòbiu at a essi su 15 de maju in su palàtziu de su dirigidori de is minas de Monti Bèciu, Gùspini.
