Arribat me in is tzilleris e in is supermercaus de totu sa Sardigna “Birra Limone Radler”, sa primu birra cun limoni made in Sardinia. Nàscia in Baviera in s’annu 1922, a sa Radler (chi bolit nai “cicrista” in tedescu) in Sardigna ddi nanta (che atrus amisturus) bicicreta puru: est a nai birra prus sùciu de limoni.
Unu sabori nou po is bufadoris sardus, po su prus po is chi no stimant tropu su marigosìmini de s’Ichnusa sintzilla e chi bolint bufai calincuna cun prus pagu de alcol. Sa Radler, difatis, tenit sceti duus gradus ca sa birra est a su coranta poxentu.
