Un’òmini de trintasèt’annus de Pabillonis at arropau de mala manera sa sposa. Est sutzèdiu ariseru a meigama in un’arruga de Gùspini. A donai s’allarmi, sa genti de sa bidda campidanesa: in medas anti tzerriau a is carabineris. Diaici de su cuarteri de Biddexidru ant mandau a scruculliai su logu po fintzas un’elicòteru.
Is sordaus ant cucau s’òmini e si funt abistus de cumenti issu iat arropau s’amorada: po cust’arrexoni ddi ant postu is ferrus. In prus, custu mengianu, s’est dèpiu presentai anche su giugi in Casteddu chi at fisciau sa di’ de sa primu udièntzia po su cuatru de Abrili.
A issa, imbecis, dd’ant betia a su spidali de Santu Engiu: at a torrai a sana in seti diis.
