Arribant crasi, su 17 de su mes”e maju, is arrechìllias de Santu Giuanni Pàulu segundu, chi ant a essi allogadas de s’assòtziu Unitalsi (Unioni natzionali italiana trasportu malàdius a Lourdes) de Azos/Agghju. S’atòbiu in sa bidda gadduresa est a is cincu de a merì in sa pratza de is postas, de aundi at a partiri sa prufessioni po sa crèsia de Santa Bitòria, chi ant a pigai parti is de s’Unitalsi, sa cunfradia, is cantadoris de su coru e sa banda musigali azesa.
A is sesi nci at a essi sa missa, duncas s’arrechìllia at a partiri po Terranova, aundi at a essi amostada a sa genti aintru de sa crèsia de sa madonna de La Salette, fintzas a su 23 de maju, e a pustis po sa crèsia de Bonària de Casteddu.
