Ariseru, a s’ora ‘e prandi, in s’arruga provinciali nùmeru 83 chi acàpiat Bugerru a Frùmini Majori, in unu stumbu intr”e una màchina e una motocicreta, unu giòvunu de 26 annus est mortu. A custu, bonànima, Luke Kernan ddi narànt: fiat nàsciu in Londras ma biviat in Cràbonia, e fiat su pilotu de sa Honda 600 chi at pigau de faci sa Alfa 155. Imparis a su mortu, un’atru òmini chi perou no s’est fatu nudda.
Lòiri: sparèssiu un’òmini, cumentzat sa busca
Bainzu Làcana, unu pitzajolu de 35 annus de Lòiri, est sparèssiu e de sàbadu niscunu ndi scit prus…
