Amici della Terra e Gruppo d’Intervento Giuridico, is assòtzius po s’amparu de sa naturalesa, ant scoviau unu muntronaxu de àliga chi nc’est po fintzas eternit. Su giassu, chi no tenit permissu perunu, s’agatat acanta su stàini de Simbiritzi, in unu tretu de s’arruga provintziali nùmeru 94. De unu primu scrucùlliu nd’est bessiu a foras chi nc’est cosa perigulosa meda in mesu a s’àliga. Is assòtzius ant giai tzerriau a sa Bàrdia forestali, is Carabineris, su Comunu de Cuartùciu e sa Procura. Su giassu, chi fiat stètiu giai impreau po nci ghetai s’àliga, ddu iant limpiau pagu tempus fai: po custu pèdinti chi siat cuntrollau dearerus.
Lòiri: sparèssiu un’òmini, cumentzat sa busca
Bainzu Làcana, unu pitzajolu de 35 annus de Lòiri, est sparèssiu e de sàbadu niscunu ndi scit prus…
